Moomkin jamoasining o'tgan oydagi eng yaxshi 3 xodimi

Moomkin platformasi O'zbekistondagi eng yaxshi chegirmalar va arzon narxlardagi maxsus takliflarni taqdim etishda davom etmoqda. Ushbu muvaffaqiyatlar va foydalanuvchilarga sifatli xizmat ko'rsatish ortida tinimsiz mehnat qilayotgan kuchli jamoamiz turibdi. Har oy bo'lgani kabi, Moomkin HR bo'limi o'tgan oy yakunlariga ko'ra kompaniyaning eng yaxshi ko'rsatkich qayd etgan va jamoaga eng katta foyda keltirgan 3 ta mutaxassisini aniqladi.

Xayrullo — Sotuv bo'limi menejeri

Sotuv jamoasining yetakchi mutaxassislaridan biri bo'lgan Xayrullo o'tgan oyda kompaniyaga eng yuqori daromad olib kelishga muvaffaq bo'ldi. Uning mijozlar bilan ishlashdagi professionalligi, tinimsiz mehnati va muzokara olib borish qobiliyati o'z bo'limi ichida eng yaxshi KPI (samaradorlik) ko'rsatkichlarini qayd etishini ta'minladi. Xayrulloning strategik yondashuvi Moomkin loyihasining moliyaviy barqarorligiga ulkan hissa qo'shdi.

Faxriddin — Marketing bo'limi xodimi

Marketing bo'limi xodimi Faxriddin o'zining mutaxassisligidan tashqari, ajoyib insoniy fazilatlari va tashkilotchiligi bilan ham ajralib turdi. U o'tgan bir oy davomida hamkasblariga tinimsiz yordam bergani va jamoaviy ishlarni to'g'ri, samarali taqsimlay olgani uchun alohida e'tirof etildi. Buning yorqin isboti sifatida Faxriddin kompaniya ofisidagi "Rahmat qutisi"da o'z hamkasblaridan eng ko'p minnatdorchilik xatlarini yig'ishga muvaffaq bo'ldi.

Ikrombek — IT bo'limi mobil dasturchisi

Moomkin platformasining uzluksiz va qulay ishlashini ta'minlashda IT jamoasining o'rni beqiyos. Dasturlash bo'limining mobil dasturchisi Ikrombek o'zining nafaqat kuchli texnik bilimi, balki hamkasblariga doimo yordam berishga tayyorligi bilan e'tiborga tushdi. Uning qiyin vaziyatlarda jamoani qo'llab-quvvatlashi va korporativ ruhni mustahkamlashga qo'shgan ulkan hissasi uni o'tgan oyning eng ilg'or xodimlaridan biriga aylantirdi.

Har bir mutaxassisning fidoyiligi va o'z ishiga bo'lgan mehri kompaniyaning yanada rivojlanishiga, foydalanuvchilarimiz uchun esa eng qulay xizmatlarni yaratishga xizmat qiladi. Oldinda bizni yangi marralar va yangi qahramonlar kutmoqda.

Moomkin jamoasiga qanday qo'shilish mumkin?

Moomkin kompaniyasi o'z jamoasi safiga doim o'z sohalarining eng yetuk mutahasislarini jalb qilib kelmoqda. Agar sizda ham shunday xodim bo'lsangiz yoki ularni tanisangiz bizning HR bo'limimizga xabar berishingiz mumkin.

HR bilan bog'lanish: @Hr_Moomkin

Hozirda Moomkindagi bo'sh ish o'rinlari

1. Keshbek yo'nalishini rivojlantirish uchun sotuv menejerlari

2. Media bo'limiga brand face

Ishga kirish talablari bo'yicha HR bilan bog'lanishingiz mumkin.